രാത്രിയുടെ യാമങ്ങളിൽ കറുത്തിരുണ്ട ആകാശത്തിനു താഴെ, കണ്ണ് ചിമ്മി നിൽക്കുന്ന മണ്ണെണ്ണ വിളക്കിനു മുന്നിലിരുന്ന് ഭാവിയുടെ നേർരേഖകൾ വായിച്ചു തരാമെന്ന ഭാവേന അവർ നമ്മെ കാത്തിരിക്കുന്നു ....
കയ്യില്ലാത്തവനും ഭാവിയുണ്ട് എന്ന് ചിന്തിക്കാതെ, ഈ ലോകം ഒരായുസ്സിൽ നമുക്കായി കാത്തു വെച്ചിരിക്കുന്ന ഭാവിയുടെ നേർരേഖകൾ നിമിഷത്തിനുള്ളിൽ ഒരു കൈക്കുമ്പിളിൽ ഒതുക്കാമെന്ന വ്യാമോഹത്തോടെ നമ്മൾ ചിലപ്പോഴെങ്കിലും അവർക്കു മുന്നിലിരിക്കുന്നു.....
വെറുതെ , വെറുതെ .....
✍️ഷാലറ്റ് ജിമ്മി
കുറച്ചൂടെ വ്യക്തമായി പറഞ്ഞാൽ ...
നൂറ്റാണ്ടുകൾക്ക് മുൻപ് ആക്ക്ര എന്ന നഗരം ആക്രമിക്കപ്പെടുന്നതിനു തലേന്നാൾ അവിടെയുള്ളവരെല്ലാം ഒരിടത്ത് ഒത്തുകൂടുന്നു.
അവരുടെ മുന്നിൽ ആയി ഒരു മനുഷ്യൻ.
അടുത്ത ദിവസം പുലരുമ്പോൾ നടക്കാൻ പോകുന്ന ആ യുദ്ധത്തിൽ അവർ തോൽപ്പിക്കപ്പെടാം, മരണം സംഭവിക്കാം. എന്നിരുന്നാലും ആ അവസാന നിമിഷത്തിലും ആശ്വാസവും പ്രത്യാശയും പകരാനാകും എന്ന വിശ്വാസത്തോടെ അവരുടെ ഭയങ്ങളും, ആശങ്കകളും അയാളുമായി പങ്കു വെയ്ക്കുവാൻ അയാൾ ആവശ്യപ്പെടുന്നു.
ആരാണയാൾ ?
കോപ്റ്റ് എന്നാണ് അയാളുടെ പേര്. Copt is a strange man എന്ന് പറഞ്ഞാണ് എഴുത്തുക്കാരൻ തുടങ്ങുന്നത്. ഗ്രീക്കുകാരനായ കോപ്റ്റ് സാഹസികമായ ജീവിതവും , പണവും തേടി തന്റെ പട്ടണം വിടുന്നു. പല നാടുകളിലും അലഞ്ഞു തിരിഞ്ഞു നടക്കുന്നു. പട്ടിണി കിടക്കുന്നു. അവസാനം ആക്ക്ര എന്ന പട്ടണത്തിൽ എത്തി പെടുന്നു. അവിടെ തങ്ങാൻ അയാൾ തീരുമാനിക്കുന്നു. അവിടെയുള്ള ഒരു ചെരുപ്പുകുത്തിയോടൊപ്പം ജോലി നോക്കുന്നു. അടുത്ത തലമുറയ്ക്കായി തന്റെ അനുഭവങ്ങളും, താൻ കണ്ടതും കേട്ടതും ആയ കാര്യങ്ങൾ അയാൾ രേഖപ്പെടുത്തി വെയ്ക്കുന്നു.
അപ്പോഴാണ് യുദ്ധം വരുന്നത്. ആ വൈകിയ വേളയിലും പ്രത്യാശ കൈവിടരുതെന്നും തങ്ങൾ ജീവിച്ച ജീവിതം , അനുഭവങ്ങൾ തങ്ങളുടെ മാത്രമല്ലെന്നും അതിനു അവകാശികളായി തലമുറകൾ തന്നെയുണ്ടെന്നും അയാൾ പറയുന്നു.
ഭയാശങ്കകൾ ഉള്ളിൽ വെച്ച് കൊണ്ട് തന്നെ അവരോരുത്തരും വർഷങ്ങളായി മനസ്സിൽ കിടന്ന് തിളച്ചു മറിയുന്ന ചോദ്യങ്ങൾ അയാളോട് ചോദിക്കുന്നു. ഒരുപക്ഷെ ഈ ചോദ്യങ്ങൾക്കുള്ള ഉത്തരങ്ങൾ മുൻപേ കിട്ടിയിരുന്നെങ്കിൽ ചിലപ്പോൾ ജീവിതം മാറി മറിയുമായിരുന്നു എന്ന ചിന്തയോടെ തന്നെ....
അങ്ങനെ ഉള്ള കുറച്ചു ചോദ്യങ്ങളും അതിനുള്ള ഉത്തരങ്ങളും അടങ്ങുന്നതാണ് ഈ പുസ്തകം. പൗലോ കൊയെലോ എഴുതിയ Manuscript found in Accra എന്ന പുസ്തകം.
ഒരു ലാഘവത്തോടെ കാണാൻ പറ്റുന്നതല്ല ചോദ്യങ്ങളും അതിനായി അയാൾ നൽകിയ ഉത്തരങ്ങളും.കാരണം ഇന്നും മനുഷ്യർ അത്തരം ചോദ്യങ്ങൾ ചോദിക്കുന്നുണ്ട്. ചിലരാണെങ്കിലോ അത്തരം ചോദ്യങ്ങൾ ചോദിക്കാൻ ഇന്നും ഭയക്കുന്നുമുണ്ട്.
ഏകാന്തത എന്ന ചോദ്യത്തിൽ നിന്ന് തന്നെ തുടങ്ങാം...എന്നെ സംബന്ധിച്ച് പറയുകയാണെങ്കിൽ .....
പുതിയ സ്ഥലം, പുതിയ ആളുകൾ ..തികച്ചും അപരിചിതമായ അന്തരീക്ഷത്തിൽ വന്നു പെടുമ്പോഴുണ്ടാകുന്ന ഒരു തരം ഏകാന്തത അതത്ര സുഖം ഉള്ളതല്ല..ഞാനും അത്തരത്തിൽ ഒരു അവസ്ഥയിൽ പെട്ട് കിടക്കുകയായിരുന്നു . അപ്പോഴാണ് യാദൃശ്ചികമായി ഈ പുസ്തകം എന്റെ കയ്യിൽ വന്നു പെടുന്നത്.
ഇതിൽ ഏകാന്തന്തത എന്താണ് എന്നുള്ളത് ഈ പുസ്തകം വ്യക്തമായി പറഞ്ഞു വയ്ക്കുന്നുണ്ട്.
Solitude is not the absence of company, but the moment when our soul is free to speak to us and help us decide what to do with our life
ഏകാന്തത എന്നാൽ കൂട്ടുകെട്ടുകളുടെ അഭാവം എന്നല്ല മറിച്ച് അത് നിങ്ങൾക്ക് നിങ്ങളുടെ ആത്മാവുമായി സംവദിക്കാനുള്ള അവസരം ആണെന്നും, അപ്പോൾ മാത്രമാണ് നിങ്ങൾക്ക് നിങ്ങളെ അറിയാൻ സാധിക്കുന്നതും, എങ്ങനെ ജീവിതം മുന്നോട്ടു കൊണ്ട് പോകണമെന്ന് മനസിലാകുന്നതും.
മേല്പറഞ്ഞ സന്ദർഭം അനുസരിച്ചു നോക്കുകയാണെങ്കിൽ ജീവിതത്തിൽ ഉണ്ടാകുന്ന മാറ്റങ്ങളും ഏകാന്തതതയ്ക്ക് വഴി വയ്ക്കുന്നുണ്ട് എന്നാണ് എനിക്ക് തോന്നുന്നത്.നമ്മളിൽ ചിലരെങ്കിലും അത്തരം മാറ്റങ്ങളെ ഭയപ്പെടുന്നുണ്ട്. അതിനും വളരെ കൃത്യമായ ഉത്തരം എഴുത്തുക്കാരൻ ഇവിടെ നൽകുന്നുണ്ട്.
നമ്മൾ പലരും വിചാരിക്കുന്നത് തലയെടുപ്പോടെ നിൽക്കുന്ന മലകൾക്കും, മരങ്ങൾക്കും, ചെടികൾക്കും ഒന്നും മാറ്റമില്ലല്ലോ...
അവർ ഇപ്പോഴും നിന്നിടത്തു തന്നെയല്ലേ നിൽക്കുന്നത്. അത് നമ്മുടെ തെറ്റായ ധാരണ മാത്രമാണ് എന്നാണ് എഴുത്തുകാരൻ പറയുന്നത്. അവയെല്ലാം മാറ്റങ്ങൾക്ക് വിധേയരാകുന്നുണ്ട്. വീശിയടിക്കുന്ന ഓരോ കാറ്റും പെയ്യുന്ന ഓരോ മഴയും ഓരോ ദിവസവും മലകൾക്കു മാറ്റം വരുത്തുന്നുണ്ട്. നമ്മൾ കാണുന്നില്ല എന്ന് മാത്രം .
ഇനി മരങ്ങളുടെ കാര്യം പറയുകയെണെങ്കിൽ അവ നിന്നിടത്തു നിന്ന് അനങ്ങുന്നില്ലെങ്കിലും പക്ഷികളും കാറ്റും അവയിലെ വിത്തുകളെ പലയിടങ്ങളിൽ ആയി വാരി വിതറുന്നുണ്ട്. കൂടാതെ ശൈത്യകാലത്ത് തങ്ങളുടെ ഇലകൾ പൊഴിയുമെന്നും വേനൽക്കാലത്തു തങ്ങൾ ഇലകളാൽ മൂടപ്പെടും എന്നും അവർക്കറിയാം.
മാറ്റങ്ങൾ ജീവിതത്തിൽ അനിവാര്യമാണ്. പ്രകൃതി തന്നെ അത് നമ്മോടു അതാവശ്യപ്പെടുന്നുണ്ട്.
ഇങ്ങനെ ഉള്ള ഒരുപാട് പ്രസക്തമായ ചോദ്യങ്ങളും അതിനുള്ള തക്കതായ ഉത്തരങ്ങളും എന്ന രീതിയിൽ ആണ് ഈ പുസ്തകം എഴുതിയിരിക്കുന്നത്.
എനിക്ക് തോന്നുന്നു പൗലോയുടെ പുസ്തകങ്ങളുടെ പ്രത്യേകത അതിൽ പലതും ക്രിസ്ത്യൻ spirituality യിൽ അധിഷ്ടിതമാണ് എന്നുള്ളതാണ്. ക്രിസ്ത്യൻ spirituality എന്ന് പറയുമ്പോൾ അദ്ദേഹത്തിന്റെ വിശ്വാസത്തിന്റെ അനുഭവങ്ങളിലൂടെ ആർജ്ജിച്ചെടുത്തവയാണ് അല്ലാതെ സഭ എന്ത് പറയുന്നു എന്നുള്ളതല്ല. അത് ദി alchemist ആകട്ടെ, ബ്രിഡയാകട്ടെ...അതിൽ ക്രിസ്ത്യൻ മൂല്യങ്ങളെ കാണാൻ സാധിക്കും. അതിൽ ഏറ്റവും പ്രധാനം പ്രത്യാശ, വിശ്വാസം, സ്നേഹം എന്നുള്ള മൂല്യങ്ങൾ തന്നെയാണ് എന്നാണ് ഞാൻ മനസിലാക്കുന്നത്.
വളരെ ലളിതമായ ഭാഷയിൽ ആണ് എഴുതപ്പെട്ടിരിക്കുന്നതെങ്കിലും ആദ്യമായി പൗലോയെ വായിക്കുന്ന ഒരാൾക്ക് അത് പൂർണ്ണമായി ഉൾക്കൊള്ളാൻ സാധിക്കുമോ എന്ന് പറയാൻ ആകില്ലെങ്കിലും വായിച്ചിരിക്കേണ്ട ഒരു പുസ്തകം ആണ് എന്ന് തന്നെ ഞാൻ പറയും. റോണ്ട ബേൺ എഴുതിയ secret ഉം, പൗലോ കൊയെലോ യുടെ തന്നെ ദി Alchemist ഉം വായിച്ചിട്ടുള്ളവർക്ക് ഇത് മനസിലാക്കാൻ അത്ര ബുദ്ധിമുട്ട് കാണില്ല.
✍️ഷാലറ്റ് ജിമ്മി
 |
| റെനി ജോർജ് |
രാത്രിയുടെ യാമങ്ങളിൽ കറുത്തിരുണ്ട ആകാശത്തിനു താഴെ, കണ്ണ് ചിമ്മി നിൽക്കുന്ന മണ്ണെണ്ണ വിളക്കിനു മുന്നിലിരുന്ന് ഭാവിയുടെ നേർരേഖകൾ വായിച്ചു ...
